Skip to main content

ᓱᓇᐅᕙ ᓛᒐ ᕿᑭᖅᑖᓗᒃ ᓕᒥᑎᑦ

ᓛᒐ ᕿᑭᖅᑖᓗᒃ ᓕᒥᑎᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᒃ ᐃᓄᖕᓄᑦ ᕿᑭᖅᑕᓂᙶᖅᑐᓄᑦ ᓄᓇᕗᒻᒥ ᐋᑐᕚᒧᑦ, ᐋᓐᑎᐅᕆᐅᒧᑦ ᐋᓐᓂᐊᕕᓕᐊᕐᓗᑎᒃ ᐱᔨᑦᑎᕋᖅᑕᐅᔭᖅᑐᕐᓗᑎᒃ ᓄᓇᓕᖏᓐᓂᒃ ᐊᑐᐃᓐᓇᐅᖏᑦᑐᖅ ᓄᓇᕗᒻᒥ.

ᐋᓐᓂᐊᕕᓕᐊᖃᑦᑕᖅᑐᑦ ᑕᐅᓴᖏᓐᓃᑦᑐᓂᒃ ᐋᓐᓂᐊᕕᓕᐊᖅᑐᑎᒃ ᖃᐅᔨᒪᓐᖏᑕᒥᓄᑦ ᓄᓇᓕᐸᐅᔭᕐᒥ ᐃᒻᒪᖃ ᐃᓕᖅᑯᓯᑐᖃᖅᑎᓐᓄᑦ ᖁᐊᖅᓵᓇᖅᑐᖃᑐᐃᓐᓇᕆᐊᖃᕐᒪᑦ ᐊᒥᓱᓄᑦ ᓄᓇᓕᓐᓃᙶᖅᑐᓄᑦ 500 ᑐᖔᓂ ᐃᓄᖃᖅᑐᓄᑦ ᓄᓇᓕᓐᓂᑦ.

ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᑦ ᐃᓚᐅᑎᑦᑎᔪᓐᓇᖅᑐᑦ; ᐋᖅᑭᒐᒃᓴᐅᙱᑦᑐᖅ ᐋᓐᓂᐊᖅ, ᑲᒪᒋᔭᐅᓂᖅ, ᐆᒻᒪᑎᓕᕆᕝᕕᒃ, ᐊᓯᖏᑦ ᐊᔾᔨᐅᙱᑦᑐᑦ ᑕᑯᔭᐅᕝᕕᒃᓴᐃᑦ ᓲᕐᓗ; ᐊᑦᑕᕐᓇᖅᑐᒦᕐᔪᐊᖅᑐᑦ ᕿᑐᕐᖓᒃᓴᖃᕐᓗᓂ, ᐊᔾᔨᐅᙱᑦᑐᑦ ᓄᑕᖅᑲᑦ ᖃᓄᐃᓕᖓᓂᖏᑦ ᐊᓯᖏᓪᓗ.

ᑐᕌᒐᐃᑦ ᐅᖃᐅᓯᐅᓂᖏᑦ

ᐱᓇᔪᒃᐸᒃᐳᒍᑦ ᐱᐅᓛᒥᒃ ᐱᑎᑦᑎᔪᒪᓪᓗᑕ ᐊᔪᕐᓇᙱᓐᓂᓕᒫᖓᓂ ᓯᓚᒥᒃ ᐊᒻᒪᓗ ᐱᔨᑦᑎᕋᖅᑕᐅᓂᖅ ᓄᓇᕗᒻᒥᐅᓄᑦ ᐱᑐᐃᓐᓇᐅᙱᑦᑐᒥᒃ ᐃᓗᐊᖅᓴᐃᓂᕐᒧᑦ ᑲᒪᒋᔭᐅᔭᕆᐊᓕᖕᓄᑦ ᓄᓇᓕᖏᓐᓂᒃ ᐊᑐᐃᓐᓇᐅᖏᑦᑐᖅ.

ᐊᐅᓚᑦᑎᔨᐅᖃᑎᒌᑦ

ᒪᓚᐃᔭ ᔨᐅ
ᔪᐊᓇ ᐅᐃᓪᓴᓐ
ᐋᓄᑦ ᑲᐃᑕᓄ
  • ᒪᓚᐃᔭ ᔨᐅ, ᐊᖓᔪᖅᑳᖅ, x629
  • ᔪᐊᓇ ᐅᐃᓪᓴᓐ, ᐊᐅᓚᑦᑎᔨᐅᑉ ᐃᑲᔪᖅᑎᖓ, x620
  • ᐋᓄᑦ ᑲᐃᑕᓄ, ᐊᐅᓚᑦᑎᔨᐅᑉ ᐃᑲᔪᖅᑎᖓ, x617

ᓛᒐ ᕿᑭᖅᑖᓗ ᓕᒥᑎᑦ ᐱᐅᓯᕆᔭᐅᕙᓚᐅᖅᑐᑦ

ᓛᒐ ᕿᑭᖅᑖᓗᒃ ᒪᑐᐃᖅᓯᓚᐅᖅᐳᖅ ᒪᑐᖏᓐᓂᑦ ᐊᐃᐳᕈ 17, 2000-ᒥ 5-ᓂᒃ ᐃᖅᑲᓇᐃᔭᖅᑎᓂᒃ ᑐᙵᓱᒃᑎᑦᑎᓪᓗᑎᒃ 22-ᓂᒃ ᐃᓄᓐᓂᒃ 24-ᓂᒃ ᐃᓪᓕᖃᖅᑐᑎᒃ ᕋᓱᓪ ᐊᖅᑯᑎᖓᓂ.

2009-ᒥ ᓅᓚᐅᖅᓯᒪᕗᒍᑦ 1071 ᕆᑦᒪᓐ ᐊᖅᑯᑎᒧᑦ 40-ᓂᒃ ᐃᒡᓗᕈᓯᖃᓚᐅᖅᑐᖅ ᐊᒻᒪ 81-ᓂᒃ ᐃᒡᓕᖃᖅᓗᓂ. ᐋᓐᓂᐊᕕᓕᐊᕆᐊᖃᕐᓂᖅ ᖄᖏᐅᑎᓯᒪᓕᖅᑐᖅ ᐱᔪᓐᓇᓂᕗᑦ ᐊᑐᐃᓐᓇᐅᑎᑦᓯᓂᕐᒥᑦ ᐱᔭᕆᐊᓕᓐᓂᑦ ᑐᔪᕐᒥᕕᓐᓂᑦ ᐃᑲᔪᖅᑐᕐᓂᕐᒥᓪᓗ ᐱᔨᑦᓯᕋᕐᓂᕐᒥᑦ. ᐊᑐᕆᐊᖃᖅᑎᓪᓗᒋᑦ, ᖃᐃᖁᔭᐅᓯᒪᔪᑦᐃᓂᖃᖅᑎᑕᐅᔪᑦ ᖃᓂᑦᑐᓂ ᑐᔪᕐᒥᕕᖕᓂ ᐊᒃᑐᐃᕐᔪᐊᕐᓗᓂ ᐱᔪᓐᓇᕐᓂᑦᑎᓐᓂᒃ ᐱᑎᓪᓗᒍ ᑲᒪᒋᔭᑦᑕ ᐱᔭᕆᐊᖃᖅᑕᖏᓐᓂ ᐊᖏᕐᕋᑦᑎᓐᓂ.

ᓅᕖᕙ 2015-ᖑᑎᓪᓗᒍ, ᓅᓚᐅᖅᑐᒍᑦ 2716 ᕆᑦᒪᓐ ᐊᖅᑯᑎᒧᑦ ᐃᓂᖃᕈᓐᓇᖅᑐᑕ ᐋᓐᓂᐊᕕᓕᐊᖅᑐᓂᒃ ᐊᒻᒪᓗ ᐋᓐᓂᐊᕕᓕᐊᖅᑐᓂᒃ ᒪᓕᒃᑎᖃᕈᓐᓇᖅᑐᑕ 104-ᓂᒃ ᐃᓪᓗᕈᓯᕐᓂᒃ ᐊᒻᒪᓗ 190-ᓄᑦ ᑎᑭᓪᓗᒍ. ᐱᔨᑦᑎᕋᕋᔪᒃᐳᒍᑦ 300−ᓄᑦ ᑎᑭᓪᓗᒍ ᑲᒪᒋᔭᐅᔭᖅᑐᖅᑐᓂᒃ ᐊᑐᕐᓗᑕ ᐱᓕᕆᖃᑎᒋᔭᑦᑎᓐᓂᒃ ᑐᔪᕐᒥᕕᖕᓂᒃ ᐱᑎᑦᑎᕙᓪᓗᑕ ᑖᒃᑯᐊᓴᐃᓐᓇᐃᑦ ᐱᔨᑦᓯᕐᓃᑦ ᐊᒻᒪ ᑲᒪᑦᑎᐊᕐᓂᖅ.

ᓛᒐ ᕿᑭᖅᑖᓗ ᓕᒥᑎᑦ ᐱᓯᒪᓕᖅᑐᑦ ᐱᖁᑎᒋᔭᐅᔪᒥᒃ Hunt Club at SieverightAvenue, east of Bank street, ᐊᖅᑯᑎᖓᓂ. 6 ᖁᑦᑎᓐᓂᖏᑦ ᐋᖅᑭᒃᓯᒪᓂᓖᑦ ᐃᓂᒋᔭᐅᓂᐊᖅᐳᑦ350-ᖏᓐᓃᓪᓗᑎᒃ ᐃᓄᐃᑦ, 220-ᓂᒃ ᐃᒡᓗᕈᓯᓖᑦ, ᑎᓴᒪᐃᓕᖓᓪᓗᑎᒃ.

ᐅᖓᑖᓕᓯᒪᒐᑦᑕ ᐱᔪᓐᓇᕐᓂᑦᑎᓐᓂᒃ ᑐᔪᕐᒥᕕᖃᖅᑎᑦᓯᒍᓐᓇᓂᑦᑎᓐᓂᒃ ᐱᔨᑦᓯᕋᖅᑕᑎᓐᓂᒃ ᐊᒻᒪᓗ ᑐᔪᕐᒥᕕᒻᒦᑎᑦᓯᒋᐊᖃᖅᓱᑕ ᐱᑕᖃᓐᖏᓇᑦᑕ ᐃᓪᓗᕈᓯᖅ ᐃᓂᖃᖅᑎᓪᓗᒍ ᐃᓘᓐᓇᑎᒃ ᐱᔨᑦᓯᕋᖅᑕᐅᔪᑦ, ᐱᔨᑦᓯᕋᖅᑕᐅᒍᒪᓂᖅ ᓱᒃᑲᐃᓪᓕᕙᓪᓕᐊᖏᑦᑐᖅ.

ᐸᕐᓇᐃᕙᓪᓕᐊᔪᒍᑦ ᓂᕆᐅᒃᐳᒍᓪᓗ ᓅᑦᑐᒪᓪᓗᑕᐃᓂᒋᔭᑦᑎᓐᓄᑦ ᐊᕐᕌᒍᓄᑦ ᐱᖓᓱᓄᑦ ᑕᓪᓕᒪᓄᑦ.

ᐱᓕᕆᖃᑎᒌᑦ

ᐋᑐᕚᒥ ᐋᓐᓂᐊᖃᕐᓇᙱᑦᑐᓕᕆᔨᑦ

ᐋᑐᕚᒥ ᐋᓐᓂᐊᖃᕐᓇᙱᑦᑐᓕᕆᔨᑦ ᐱᔨᑦᑎᕋᖅᑎᖏᑦ ᐃᑲᔪᖅᑕᐅᔭᕆᐊᓕᖕᓂᑦ ᐱᔨᑦᑎᕋᖃᑦᑕᖅᐳᑦ ᐋᓐᓂᐊᕐᕕᓕᐊᖅᑐᓄᑦ/ᒪᓕᒃᑎᖏᓐᓄᑦ ᓛᒐ ᑐᔪᕐᒥᕕᖕᒥ ᐃᓂᖃᖅᑐᓄᑦ. ᐅᑯᓂᖓ ᐱᔨᑦᑎᕋᖃᑦᑕᖅᑐᑦ;

  1. ᐋᓐᓂᐊᕐᕕᓕᐊᖅᑑᑉ ᖃᓄᐃᓐᓂᖓᓂ ᑐᓴᖅᑎᑦᑎᕙᒃᖢᑎᒃ ᐅᑭᐅᖅᑕᖅᑐᒧᑦ.
  2. ᑭᒡᒐᖅᑐᐃᓪᓗᑎᒃ ᐋᓐᓂᐊᕐᕕᓕᐊᖅᓯᒪᔪᓪᓗ ᐱᔭᕆᐊᓕᖏᓐᓂᒃ ᐱᑎᑦᑎᓇᓱᒃᐸᒃᖢᑎᒃ.
  3. ᑭᓱᑐᐃᓐᓇᐃᑦ ᐱᔭᕆᐊᓕᖏᑦ ᐃᖢᐊᖅᓴᐅᑎᖏᑦ ᐱᖁᑎᓪᓗ ᐊᑐᐃᓐᓇᐅᑎᑦᑎᐊᖅᐸᒃᖢᒋᑦ.
  4. ᒪᓕᒃᑎᖏᑦ ᐃᓇᖏᖅᑕᐅᓂᐊᖅᑐᑦ ᑭᐳᒃᑎᓐᓂᐊᖅᑐᓪᓗ ᑐᓂᔭᐅᓂᐊᖅᑐᑦ ᐃᖢᐊᖅᓴᐃᔨᒧᑦ ᐃᑲᔪᖅᑕᐅᔭᕆᐊᓕᑦ ᐊᐅᓚᑦᑎᔨᖓᓂᑦ (ᐋᓐᓂᐊᕐᕕᑐᐊᓄᑦ).
  5. ᐊᓂᑎᑕᐅᓂᐊᖅᑐᓂᑦ ᐸᕐᓇᐃᓂᖅ ᐋᓐᓂᐊᕐᕕᓕᐊᖅᓯᒪᔪᖅ ᐱᔭᕆᐊᖃᖅᑕᓕᒫᖏᓐᓂᒃ ᐱᓯᒪᑦᑎᐊᖁᓪᓗᒍ ᖃᖓᑦᑕᕐᓂᐊᖅᑎᓪᓗᒍ ᓄᓇᓕᖕᓄᑦ.
  6. ᐃᓄᓕᕆᔨᒥᒃ ᐊᑐᐃᓐᓇᐅᑎᑦᑎᖃᑦᑕᖅᐳᑦ ᓛᒐ ᑐᔪᕐᒥᕕᐊᓂ ᓇᒡᒐᔾᔭᒥ−ᐅᓪᓗᑐᐃᓐᓇᒧᑦ
  7. ᐋᓐᓂᐊᕐᕕᖕᒥ ᑐᓵᔨᑦ ᐊᑐᐃᓐᓇᐅᔪᑦ ᐋᓐᓂᐊᕐᕕᖕᒥ ᑕᑯᔭᐅᕝᕕᒃᓴᓕᖕᓄᑦ ᐊᒻᒪ ᒪᓕᒋᐊᓕᖕᓄᑦ. ᐊᒻᒪᓗᑦᑕᐅᖅ ᐋᓐᓂᐊᕐᕕᖕᒥ ᑐᓵᔨᑦ ᐊᑐᐃᓐᓇᐅᒐᔪᒃᑐᖅ ᓛᒐ ᑐᔪᕐᒥᕕᒃ ᕿᑭᖅᑖᓗᒻᒥ, ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ. ᐱᔪᓐᓇᕐᓂᓕᒫᑦᑎᓐᓂ ᐱᓇᓱᐊᖅᐸᒃᐳᒍᑦ ᑐᓵᔨᒥᒃ ᐊᑐᐃᓐᓇᐅᔾᔪᓐᓇᖅᑐᒥᒃ ᑭᓯᐊᓂ ᐋᓐᓂᐊᕐᕕᓕᐊᕆᐊᖃᖅᐸᑕ ᓯᕗᓪᓕᐅᖃᕆᐊᓖ ᑦ.

ᐋᓐᓂᐊᕐᕕᖕᒧᑦ ᐊᐅᓪᓚᖅᑐᖅ (ᐋᓐᓂᐊᕐᕕᖕᒧᑦ ᐃᓐᓇᖅᑎᑕᐅᔪᖅ ᐅᕝᕙᓘᓐᓃᑦ ᑎᖕᒥᓲᒃᑯᑦ ᑐᐊᕕᕐᓇᖅᑐᒃᑰᖅᑐᖅ) ᐱᓕᕆᐊᒃᓴᙳᖅᑎᑕᐅᖃᑦᑕᖅᐳᖅ ᐋᑐᕚᒥ ᐋᓐᓂᐊᖃᕐᓇᙱᑦᑐᓕᕆᔨᑦ ᐱᔨᑦᑎᕋᖅᑎᑦ ᐃᖢᐊᖅᓴᐃᔨᑦ ᐱᓕᕆᐊᒃᓴᓕᕆᔨᑦ ᐊᐅᓚᑦᑎᔨᖓᓄᑦ.

ᐋᓐᓂᐊᕐᕕᖕᒧᑦ ᐊᐅᓪᓚᖃᑦᑕᖅᑐᑦ ᑕᑯᔭᐅᕝᕕᒃᓴᒥᓄᙵᐅᔪᑦ ᐅᕝᕙᓘᓐᓃᑦ ᐱᐊᓂᒃᑕᐅᓂᐊᕋᓱᒋᔭᐅᔪᑦ, ᖃᐅᔨᓴᖅᑕᐅᔭᖅᑐᖅᑐᕐᓘᓐᓃᑦ ᓲᕐᓗ ᐴᖅᑕᐅᓯᒪᓗᓂ ᑕᕐᕋᖅᑐᖅᑕᐅᓗᓂ, ᓯᕗᓂᐊᒍᑦ ᐊᖏᖅᑕᐅᓂᐊᖅᐳᑦ ᐱᐊᓂᒃᑕᐅᓂᕋᖅᑕᐅᓗᓂ ᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᓕᕆᔨᖏᓐᓄᑦ ᑕᑯᔭᐅᕝᕕᒃᓴᖓ ᐊᓂᒍᖅᐸᑦ. ᐋᑐᕚᒥ ᐋᓐᓂᐊᖃᕐᓇᙱᑦᑐᓕᕆᔨᑦ ᐱᔨᑦᑎᕋᖅᑎᖏᑦ ᐃᑲᔪᖅᑕᐅᔭᕆᐊᓕᖕᓂᒃ ᐊᐅᓚᑦᑎᖃᑦᑕᔾᔮᙱᑦᑐᑦ ᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᖏᓐᓂᒃ. ᓄᑕᕋᓕᕆᔨᑦ ᐅᕝᕙᓘᓐᓃᑦ ᓯᖓᐃᔪᑦ ᐅᓗᕆᐊᓇᖅᑐᒦᑦᑐᑦ ᓯᕗᓂᐊᒍᑦ ᐊᖏᖅᑕᐅᔪᓐᓇᙱᑦᑐᑦ ᐱᐊᓂᒃᑕᐅᓂᕋᖅᑕᐅᓗᑎᒃ.

ᖃᐅᔨᒋᐊᕐᕕᒃᓴᖅ: 613-523-7822 ᐅᕝᕙᓘᓐᓃᑦ ᑎᑎᕋᕐᕕᖕᒧᑦ ᓴᓇᓐᓇᐅᙱᑦᑐᒃᑯᑦ ᐅᖄᓚᕝᕕᒃᓴᖅ 613-297-7804. 

casemanagers@ohsni.com


ᐋᑐᕚᒥ ᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᓕᕆᔨᖏᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᐱᔨᑦᑎᕋᖅᑎᖏᑦ:

  1. ᑕᑯᔭᐅᕝᕕᒃᓴᓕᐅᖅᑎᑦ ᑲᒪᔨᖏᑦ ᐋᑐᕚᒥ ᐋᓐᓂᐊᖃᕐᓇᙱᑦᑐᓕᕆᔨᑦ ᐱᔨᑦᑎᕋᖅᑎᖓᓂᙶᖅᑐᑦᐃᓂᒃᓴᓕᐅᖃᑦᑕᖅᐳᑦ ᑕᑯᔭᒃᓴᙳᖅᑎᑕᐅᔪᓪᓗ ᐃᖃᓗᖕᓄᑦ ᐃᑲᔪᖅᑕᐅᔭᕆᐊᓕᑦ ᐊᐅᓚᑦᑎᔨᖓᓄᑦᓇᒃᓯᐅᔾᔭᐅᕙᒃᖢᑎᒃ ᐅᕝᕙᓘᓐᓃᑦ ᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᓕᕆᔨᖏᓐᓄᑦ ᓄᓇᓕᖕᓂ.
  2. ᐃᖃᓗᖕᓂ ᐃᑲᔪᖅᑕᐅᔭᕆᐊᓕᖕᓄᑦ ᐊᐅᓚᑦᑎᔨᑦ ᐅᕝᕙᓘᓐᓃᑦ ᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᓕᕆᔨᖏᑕᑯᔭᒃᓴᙳᖅᑎᑕᐅᔪᓂᑦ ᓇᒃᓯᐅᔾᔨᖃᑦᑕᖅᐳᑦ ᐋᑐᕚᒥ ᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᓕᕆᔨᖏᓐᓄᑦᐃᓂᒃᓴᓕᐅᖅᑕᐅᓂᐊᕐᒪᑦ.
  3. ᐃᓂᒃᓴᓕᐅᖅᑕᐅᕌᓂᒃᑐᑦ ᐊᐅᓪᓚᖅᑎᑕᐅᖃᑦᑕᖅᐳᑦ ᑐᒃᓯᕋᖅᑲᐅᔪᒧᑦ ᑖᒃᑯᐊᓗ ᑐᓴᖅᑎᑦᑎᕙᒃᖢᑎᒃᐋᓐᓂᐊᕐᕕᓕᐊᖅᓯᒪᔪᒥᑦ ᖃᖓ ᐊᐅᓪᓚᕐᕕᒃᓴᖃᕐᒪᖔᑦ.
    • a. ᒪᓕᒃᑎᒋᔭᐅᔪᒥᑦ ᑐᒃᓯᕋᐅᑕᐅᔪᖃᖅᐸᑦ ᑕᑯᔭᒃᓴᙳᖅᑎᑦᑎᔨᑦ ᑲᒪᔨᖓᓂᑦ, ᐋᓐᓂᐊᕐᕕᓕᐊᖅᑐᑦᖃᖓᑦᑕᐅᑎᓕᕆᔨᖏᑕ ᑎᑎᕋᕐᕕᖓᓄᑦ ᓇᒃᓯᐅᔾᔭᐅᓂᐊᖅᐳᖅ ᐊᖏᖅᑕᐅᓂᐊᕐᒪᑦ.ᐋᓐᓂᐊᕐᕕᓕᐊᕐᓂᐊᖅᑐᑦ ᒪᓕᒃᑎᖃᕈᒪᔪᑦ ᐋᒃᑳᖅᑕᐅᔪᑦ ᐅᓐᓂᕐᓗᒍᓐᓇᖅᑐᑦ.
    • b. ᒪᓕᒃᑎᖃᕆᐊᖃᖅᐸᑦ ᐋᓐᓂᐊᕐᕕᓕᐊᖅᑐᖅ ᐋᑐᕚᒦᓕᕐᓗᓂ, ᑐᒃᓯᕋᕈᓐᓇᖅᐳᑦ ᐋᓐᓂᐊᕐᕕᖕᒥᓄᑦᐅᖄᓚᓗᑎᒃ.
  4. ᐋᓐᓂᐊᕐᕕᓕᐊᖅᑐᖅ ᐱᐊᓂᒃᑕᐅᓂᕋᖅᑕᐅᒃᐸᑕ, ᐃᓂᒃᓴᓕᐅᖅᑕᐅᓕᕐᓂᐊᖅᐳᑦ ᖃᖓᑦᑕᐅᑎᒧᑦᐃᓂᒃᓴᖅᑕᖃᓕᑐᐊᖅᐸᑦ ᑕᑯᔭᐅᕌᓂᒃᓯᒪᓕᖅᐸᑦ ᑭᖑᓪᓕᕐᒥ.

ᐃᖅᑲᐃᓯᔾᔪᑎ: ᐋᓐᓂᐊᕐᕕᓕᐊᖅᑐᑦ ᖃᖓᑦᑕᕐᕕᒃᓴᖓᓂ ᐊᐅᓪᓚᙱᑐᐃᓐᓇᕆᐊᖃᙱᑦᑐᑦ ᐋᓐᓂᐊᕐᕕᐅᑉ ᐊᓯᐊᓂᐱᔾᔪᑎᖃᕐᓗᑎᒃ, ᐊᐅᓪᓚᙱᑐᐃᓐᓇᕈᓂ, ᑖᓐᓇ ᓇᖕᒥᓂᖅ ᑐᔪᕐᒥᕕᒃᓴᖅᓯᐅᕆᐊᖃᖅᐳᖅ. ᖃᖓᑦᑕᐅᑎᒃᓴᖓᐃᓂᒃᓴᓕᐅᖅᑕᐅᒃᑲᓐᓂᕐᓂᐊᖅᐳᖅ.

ᖃᐅᔨᒋᐊᕐᕕᒃᓴᖅ: ᐊᑭᖃᙱᑦᑐᖅ ᐅᖄᓚᕝᕕᒃᓴᖅ 1-866-371-3305, ᓇᕿᓪᓗᒍ 2 ᐋᑐᕚᒥᐋᓐᓂᐊᕐᕕᓕᐊᖅᑐᑦ ᖃᖓᑦᑕᐅᑎᓕᕆᔨᖏᓐᓄᑦ.

ᓇᖕᒥᓂᖃᖅᑎᐅᖃᑕᐅᔪᑦ

ᑲᔪᓯᑎᑦᑎᓗᑎᒃ ᐱᕙᓪᓕᐊᔪᓕᕆᓂᕐᒥᒃ ᐱᕕᒃᓴᐅᔪᓐᓇᖅᑐᓂᒃ ᐃᓄᖕᓄᑦ.

ᐃᓄᐃᑦ ᓄᓇᑖᕐᓂᕐᒧᑦ ᐱᕙᓪᓕᐊᓂᕐᒧᑦ ᑯᐊᐳᕇᓴᐅᑎᓪᓗᒋᑦᕿᑭᖅᑕᓂ, ᐱᓕᕆᐊᒃᓴᖃᖅᐳᒍᑦ ᓴᙱᒃᑎᒋᐊᖅᓯᓂᕐᒥᒃ ᐃᓅᖃᑎᒌᓂᒃᐊᒻᒪ ᑮᓇᐅᔭᓕᐅᕋᓱᖕᓂᒃᑯᑦ ᖃᓄᐃᙱᑦᑎᐊᕐᓂᖅ ᓄᓇᕗᒻᒥ ᐊᒻᒪ 15,500 ᐃᓄᐃᑦ. ᐅᒃᐱᕆᔭᐅᑦᑎᐊᓚᐅᖅᐳᒍᑦ ᑖᔅᓱᒧᖓ ᐱᓕᕆᐊᒃᓴᒧᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (QIA) ᓴᖅᑭᑦᑎᓚᐅᖅᓯᒪᕗᑦ QC−ᑯᓐᓂ 1983−ᖑᑎᓪᓗᒍ ᑮᓇᐅᔾᔭᒃᓴᕋᓱᐊᖅᑎᐅᓪᓗᑎᒃ ᐱᕙᓪᓕᐊᑎᓪᓗᒍ.

ᑕᒪᓐᓇ ᐱᓕᕆᐊᕆᒋᐊᖃᖅᑕᕗᑦ ᖃᓄᓕᒫᑦᓯᐊᖅ ᐱᓕᕆᐊᕆᕙᑦᑕᑎᓐᓂ. ᐱᓇᔪᒃᐸᒃᐳᒍᑦᐱᐅᔪᒥᒃ ᐊᓯᔾᔩᔪᒪᒧᑦ ᐃᓄᖕᓄᑦ, ᓄᓇᓕᖕᓄᑦ ᐊᒻᒪ ᓄᓇᕗᒻᒥ ᑮᓇᐅᔭᓕᐅᕈᑎᑦ ᐱᓕᕆᔪᒪᑦᑎᐊᕐᓂᒃᑯᑦ ᐊᒻᒪ ᐱᓇᔪᓪᓚᕆᖕᓂᒃᑯᑦ ᓴᖅᑭᑦᑎᔪᒪᓪᓗᑎᒃ ᑐᑭᖃᑦᑎᐊᖅᑐᒥᒃ ᐃᖅᑲᓇᐃᔮᖃᕐᓂᖅ ᐊᒻᒪ ᓇᖕᒥᓂᖃᕐᓂᕐᒧᑦ ᐱᕕᒃᓴᑦ. ᑎᒍᒥᐊᕐᓂᖅ ᐃᓄᐃᑦ ᑐᙵᕕᖏᑦ ᐱᒻᒪᕆᐅᒋᔭᖏᓪᓗ, ᐊᖏᖅᓯᒪᓂᖃᖅᑐᒍᑦ ᐃᖅᑲᓇᐃᔭᕐᓂᕐᒥᑦᑲᑐᔾᔨᖃᑎᒌᒡᓗᑎᒃ ᐱᔨᑦᑎᕋᕐᓗᑎᒃ ᐊᑐᐃᓐᓇᕈᖅᑎᑦᑎᓗᑎᒡᓗ ᓄᓇᑦᑎᓐᓂᒃ.


ᐃᓄᖕᓄᑦ ᓇᖕᒥᓂᖃᕐᓂᕐᒧᑦ ᓯᕗᓕᖅᑎᐅᓂᐊᕐᓗᓂ, ᐱᓕᕆᖃᑎᖃᖅᐸᒡᓗᓂᐊᕕᑦᑐᖅᓯᒪᔪᓂ ᐱᕙᓪᓕᐊᑎᑦᓯᔩᑦ ᑯᐊᐳᕋᐃᓴᖏᑦ ᓇᓗᓇᐃᖅᓯᓗᑎᒃ, ᑮᓇᐅᔭᓕᐅᕋᓱᐊᕐᓗᑎᒃ ᐱᕈᖅᐸᓪᓕᐊᑎᑦᓯᓗᑎᓪᓗ ᐱᓇᓱᐊᕐᕕᑦᓴᓂᒃ.

ᑐᕌᒐᖅ: ᐃᑲᔪᖅᓱᕐᓗᒍ ᒪᑭᒪᔾᔪᑎᓄᑦ ᖃᓄᐃᙱᑦᑎᐊᕐᓂᖅ ᓄᓇᕗᒻᒥᐅᓄᑦᐱᕈᖅᐸᓪᓕᐊᔪᓄᑦ ᓇᖕᒥᓂᕆᔭᐅᔪᓄᑦ ᐃᑲᔪᖅᑐᓄᑦ ᑲᒪᒋᔭᖃᑦᑎᐊᕐᓂᕐᒧᑦᐱᕙᓪᓕᐊᓂᖓ ᓄᓇᕗᑦ ᐊᒻᒪ ᐅᑭᐅᖅᑕᖅᑐᖅ.

ᓄᓇᓯᐅᑉ ᐱᒻᒪᕆᐅᒋᔭᖏᑦ ᑐᙵᕕᓖᑦ ᐃᑲᔪᖅᓱᐃᓂᕐᒥᑦ ᐅᕙᑦᑎᓐᓂᑦᓇᖕᒥᓂᖃᖃᑕᐅᔪᑦ ᖃᓄᖅᑑᕈᑎᓄᑦ ᓯᕗᓪᓕᐅᔾᔭᐅᔪᒪᔪᑦ ᑕᑯᒃᓴᐅᑎᑦᑎᓗᑎᒃ ᐃᒃᐱᒍᓱᑦᑎᐊᕐᓂᕐᒥᒃ ᓄᓇᒥᒃ ᐊᒻᒪ ᓄᓇᒥᙶᖅᑐᓂᒃ ᐊᒻᒪᓗ ᐃᓕᖅᑯᓯᕆᔭᐅᔪᒥᒃ, ᐃᓅᖃᑎᒌᓄᑦ ᐊᒻᒪ ᒪᑭᒪᔾᔪᑎᓄᑦ ᐱᐅᓯᒋᐊᕈᑎᓄᑦ ᐃᓄᖕᓄᑦ.

ᑕᒫᓃᑉᐳᒍᑦ ᐃᑲᔪᕈᒪᓪᓗᑕ
ᓛᒐ ᕿᑭᖅᑖᓗᒃ ᓕᒥᑎᑦ ᑲᑐᔾᔨᓪᓗᑎᒃ ᐱᓕᕆᕗᑦ ᐅᑯᓇᙵᑦ:
ᐳᓛᕐᓇᐅᑉ ᐃᑲᕐᕋᖏᑦ
  • ᓛᒐ ᐳᓛᕆᐊᕐᓂᖅ ᑭᓪᓕᖃᖅᑐᖅ 1-ᒥ 4-ᒧᑦ ᐅᓐᓄᓴᒃᑯᑦ
  • ᐳᓛᕆᐊᖅᑐᑦ ᐃᒡᓗᕈᓯᕐᒦᑦᑕᕆᐊᖃᙱᓚᑦ ᑭᓯᐊᓂ ᐊᖏᖅᑕᐅᒃᐸᑕ ᓛᒐ ᐊᐅᓚᑦᑎᔨᙱᓐᓄᑦ ᐊᑕᐅᓯᐅᓈᖅᑎᕐᓗᒋᑦ ᒪᓕᒐᔭᖅᑐᖅ ᖃᓄᐃᓐᓂᐅᔪᒥᑦ.

© LargaBaffin. All rights reserved. Ottawa Web Design & SEO by ProLoyalWeb